Ош. Шаарда жаңы медициналык борбор ишке берилди

Ош шаарынын убактылуу мэринин милдетин аткаруучу Мелис Мырзакматов 10-октябрда заманбап технологиялар менен жабдылган медициналык борбордун ачылышына катышты. Аталган клиника шаардын Анар кичи районунда жайгашкан. Борбордун башкы дарыгери Азамат Таштановдун айтымында, жогорку квалификациядагы 8 дарыгер иштеп баштайт. Жалпысынан 26 кызматкер эмгектенет. Шаар башчы медициналык борбордогу АКШ, Германия жана Орусия өлкөлөрүнөн алынып келген заманбап жабдуулар менен таанышып чыкты.

Автор: Элира Чынтемир кызы