Бишкекте орусиялык белгилүү педагог Николай Зайцев мугалимдерге семинар өтүүдө

14-октябрда Бишкекте "Роза Отунбаеванын демилгелери" коомдук фонду уюштурган семинар башталды. Иш-чара 18-октябрга чейин улана турганын аталган фонддун басма сөз кызматы маалымдады. Семинарда орусиялык белгилүү педагог жана психолог Николай Зайцевдин балдарды окутуу ыкмасы менен таанышуу болот. Дүйнөгө белгилүү психологдордун бири Николай Зайцевдин жеткинчектерди туура тарбиялоодогу иштеп чыккан усулдары менен кыргызстандык мугалимдерди тааныштырат. Анда кенже класстагы мектеп окуучуларына чет тилдерди канткенде жеңил окутуу ыкмалары үйрөтүлмөкчү.

Автор: Жылдыз Жускембаева