Депутат "Манас" аэропорту тышкы башкарууга бериле турганы боюнча маалымат каражаттары жазып жатканын айтты

Депутат Каныбек Иманалиев "Манас" аэропорту тышкы башкарууга бериле турганы боюнча маалымат каражаттары жазып жатканын айтты. Бул тууралуу ал бүгүн, 20-апрелде Жогорку Кеңештин комитет жыйынында билдирди.

"Маалымат каражаттары "Манас" аэропортун Татарстан алып жатат деп жазышууда. Биринчиден, бул сынактык түрдө алынат. Экинчиден, буга чейин Түркиянын атактуу компаниясы мындан 5 эсе кымбат сумманы айтканда бербей койгонбуз. Бул чоң ызы-чуу болот. Бул стратегиялык объект, муну эки адам чечпеши керек. Бул парламенттин макулдугу менен сынактык негизде чечилиши кажет", - деди ал.

Мамлекеттик мүлктү башкаруу боюнча фондунун төрагасы Мирлан Бакиров бул маселе бүгүнкү күндө күн тартипте жок экенин белгиледи. "Стратегиялык объекттер боюнча мыйзам бар, ал ошол мыйзам менен каралат", - деди Бакиров.

Отун-энергетикалык комплекси жана жер казынасын пайдалануу боюнча комитетинин төрагасы депутат Кожобек Рыспаев стратегиялык объекттер сатылбай турганын айтты.

Автор: Жылдыз Джускембаева