Тышкы иштер министрлиги Палестина-Израиль бийлигин куралдуу зомбулукту токтотууга чакырды

Кыргыз өлкөсүнүн Тышкы иштер министрлиги Палестина-Израиль жаңжалы боюнча билдирүү таратты.

Аталган мекеменин расмий сайтында жарыяланган билдирүүдө Тышкы иштер министрлиги Палестина-Израиль кризисин куралдын күчү менен эмес, сүйлөшүү жолу менен чечүүгө чакырган.

"Тышкы иштер министрлиги Палестина аймактарындагы кырдаалдын акыркы бир нече күндө курчуп кеткендигин жана анын жүрүшүндө тараптардын ракеталык соккулар менен өз ара алмашуусу көптөгөн курмандыктарга алып келип, эки тараптан тең жүздөгөн адамдар жабыркагандыгын терең тынчсыздануу менен кабыл алат.

Тышкы иштер министрлиги тараптарды этияттык менен иш алып барууга жана баарынан мурда жапа чегип жаткан бейкүнөө жарандарга карата ар кандай куралдуу зомбулукту токтотууга чакырат.

Тышкы иштер министрлиги көп жылдан бери созулуп келе жаткан Палестина-Израиль кризисин куралдын күчү менен эмес, сүйлөшүү жолу менен гана тынчтыкка жетишүүгө жана жөнгө салууга болот деген терең ишенимин билдирет. Эки эл тең ыйык туткан жерлерди сыйлоо жана урматтоо өз ара ишенимди чыңдоого түрткү берип, жаңжалды мындан ары токтотууга кепилдик болот деп ишенет", - деп жазылган билдирүүдө.

Автор: Бекболот Сарыбаев

23:52 19-05-2021

Жазылуу

РУБРИКАДАГЫ СОҢКУ КАБАРЛАР

23:33 2026-09-28 | Коом жана турмуш

Араванда шаар куруу жана архитектура башкармалыгынын жаңы имараты пайдаланууга берилди 179 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 311 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 255 0

21:16 2026-09-28 | Коом жана турмуш

Мас абалында араң сүйлөп… Бишкекте айдоочу кармалды 581 0

20:41 2026-09-28 | Коом жана турмуш

Ошто Жетимишов көчөсүндөгү жол оңдоо иштери аяктоо алдында 242 0

20:13 2026-09-28 | Коом жана турмуш

Тай-Мурас Ташиевдин Бишкек ШИИБине барганы маалым болду 1215 0

Архив

Комментарийлер (4)

Rusbayastan

2021-05-20 00:02:46

Жон койбоптур да

Dalil

2021-05-20 00:36:02

Тышкы иштер министри башкаларды коюп ички иштер министриге айтып койгула тажиктер тынбай жер талашып кундон кунго еврейлердей эле жылып кирип келе жатышат эси барда аракетин кылбаса бир кун барып биз дагы Палестинага окшоп калабыз

zam81

2021-05-20 00:36:30

Жардын

nukura_jigit

2021-05-20 07:28:59

Эмнеге жон коюш керек?
Биз озубузду озубуз сыйлабай жатсак, башка сыйламак беле. Айта берсин

Комментарий калтыруу үчүн өз ысымыңыз менен кириңиз же каттоодон өтүңүз.