Муфтияттын алдындагы митингге жети дубандан келген өкүлдөр катышууда

Кыргыз өлкөсүнүн мусулмандарынын дин башкармалыгынын имаратынын алдында митинг өтүп жатат. Митингге чыккан тараптар муфтийди шайлоону таза өткөрүү, ошол эле учурда эл шайласын деген талапты айтып чыгышты.

"Бул жерге жети дубандан келип отурабыз. Молдолор кайда болсо, ошол жерде өнүгүү-өсүү болушу керек эле. Бизде тескери болуп жатат. Ошондуктан муфтийди эл шайлашы зарыл деп ойлойбуз", - деп билдирди митингге катышуучулардын бири.

Мындан тышкары муфтиятта коррупциялык схема бар экендигин кошумчалап өтүштү.

Автор: Айжанар Рыспек кызы
Фото: Медина Дүйшеева