Баткенде чек ара окуяларында жабыркаган 136 тургундун документтери даярдалды

Баткен облусундагы Тажикстандын куралдуу кол салуусунан жабыркаган айылдардагы 136 тургундун документтери калыбына келтирилди. Бул тууралуу Мамлекеттик каттоо кызматынан маалымдашты.

Маалыматка караганда, 24-майга карата 197 адам документтерин калыбына келтирүү үчүн арыз берген. Алардын ичинен:

* ID-паспорт - 79;

* жалпы жарандык паспорт - 14;

* туулгандыгы тууралуу күбөлүк - 60;

* нике күбөлүгү- 8

* адамдын өлгөндүгү тууралуу документ - 7;

* айдоочулук күбөлүк - 19;

* транспорт каражатын каттаган күбөлүк - 8;

* Кыргыз жарандыгын алуу боюнча берилген арыз - 2.

"Булардын ичинен 70 пайызы калыбына келтирилип, 136 адамга берилген. Калган документтер даярдалып бүткөндөн кийин, тагыраагы жакынкы күндөрү тапшырылат", - деп жазылат мекеменин маалыматында.

Документтерди калыбына келтирүү акысыз жүргүзүлүп жатат.

Автор: Айжанар Рыспек кызы