Айзада Канатбекованы ала качууга айыпталган баланын эжеси: "18 жаштагы инимди ала качууга мажбурлашкан"

Бүгүн, 27-майда Бишкектин Биринчи Май райондук сотунда ала качуунун курмандыгы болгон Айзада Канатбекованы ала качкандар боюнча биринчи соттук отурум болуп өттү.

Анда 5 айыпталуучунун иши каралып жатат. Алар: Сыймык Молдосариев, Кубаныч Токон уулу, Ажыкабыл Рысбай уулу, Замирбек Раманкулов, Орузбек Нурумбетов. Булар Айзаданы ала качкан Замирбек Теңизбаевге жардам беришкен деп шектелишүүдө.

Ал эми ишти судья Салтанат Эсенкулова карап жатат.

Судья айыпталуучуларды өлкөдөгү эпидемиологиялык абалга байланыштуу сот залына алып келе албай турганын, алар сотко СИЗО-1ден онлайн катыша турганын айтты.

Ал эми бүгүнкү соттук отурум айыпталуучулардын биринин жактоочусу келбей калгандыгына байланыштуу 11-июнга жылдырылды.

Айыпталып жаткан Сыймык Молдосариевдин эжеси бул окуяга ал капыстан катышып калды дейт.

"Мен Молдосариев Сыймыктын эжеси болом. Иним 18 эле жашта. Ал Нарын облусунан болот. Ал ошол окуя болор түнү Нарындан Бишкекке автобус менен келген. Аны вокзалдан айыпталып жаткан 4 бала кармап алып, акчасын алып, телефонун ломбардга коюп, өзүн окуя болгон жерге ээрчитип барган. Анан ары ошол балдардын башкаруусунда жүрө берген. Андан кийин аны кыз ала качууга мажбурлашкан.

Иним кызды ала качкан видеодо жүрөт. Ал эшиктерди ачып берген. Ал нес абалда жүрө берген. Биздин бала тигил айыпталып жаткандарды тааныбайт. Алар кызды ала качкандан кийин вокзалдан кайра аны таштап коюшкан. Андан кийин ал кайра Нарынга келе берген. Милиция кызматкерлери инимди он күндөн кийин кармап кетишти. Айзаданын апасынан кечирим сурайбыз. Ал студент, экзамендери башталды.

Бул 4 бала инимдин телефонун ломбардга алып барганда коду бар экен деп албай коюшуптур. Иним аны сатып башка телефон алмак экен.

Үйдө апам, байкем 2-чи топтогу майып. Иниме дагы соттук-медициналык экспертизанын жыйынтыгында акыл-эсинде маселе бар деп чыгарышты", - деди айыпталуучунун эжеси.

Автор: Айсалкын Качкынбекова

10:47 27-05-2021

Жазылуу

РУБРИКАДАГЫ СОҢКУ КАБАРЛАР

23:33 2026-09-28 | Коом жана турмуш

Араванда шаар куруу жана архитектура башкармалыгынын жаңы имараты пайдаланууга берилди 179 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 311 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 255 0

21:16 2026-09-28 | Коом жана турмуш

Мас абалында араң сүйлөп… Бишкекте айдоочу кармалды 581 0

20:41 2026-09-28 | Коом жана турмуш

Ошто Жетимишов көчөсүндөгү жол оңдоо иштери аяктоо алдында 242 0

20:13 2026-09-28 | Коом жана турмуш

Тай-Мурас Ташиевдин Бишкек ШИИБине барганы маалым болду 1215 0

Архив

Комментарийлер (9)

bek.94

2021-05-27 11:44:23

Жомокту айтпачы кантип эле ушундай болуп калсын мурдакы заман эмеско журо бергидей

Zarema11

2021-05-27 12:37:35

Жомок окшошпой калган го.

bond02

2021-05-27 13:20:16

Токуп жатат эжеси, бирок окшошпой жатат.

Janna19

2021-05-27 13:53:24

Жөндөн жөн кармабайт,жаш деп эле коё бербеш керек.Жашыбы карысыбы, үй бүлөсүндө кандай маселе болбосун жазаланышы керек.Акыл эсинде мандем бар болсо экзаменди кантип тапшырат жана кантип окуп жүрөт?Карандай калпты айтпасын эжеси.Колу менен жасаганды башы менен тартсын эч кимисин аябаш керек.Эгерде ушул бешенүн бирөөсү эле актала турган болсо кайра митинг кылыш керек.Баары жазалансын жазаланган да да аябай оор жаза бериш керек.Бирөнүн ак мончок жалгыз кызынын өлүмүнө себепкер.А

Janna19

2021-05-27 13:59:55

Ошол убакта нес абалда жүргөн болсо он күн бою эмне жатты үйүндө?Мажбурлаганы чын болсо барбайт беле ошондо,мени мажбурлашты деп.Эч кандай жеңилдик бербеш керек!Эгерде Айзаданын апасы окуп калган болсо,эже эч кимисине тосмо арыз жазбаңыз.Эч кимисин кечирбеңиз,жашында карысынада, оорулуусуна да карабаңыз.Алар ошол убакта сиздин кызыңызды аябаган,сиз аямак белеңиз.

Nina.alex

2021-05-27 14:54:01

Кантип эле тааныбаган бироону кыз ала качканга мажбурлашат??? Мени бироо вокзалга барсам ,жур биз менен кыз ала качышасын десе,милицияга чуркамак эле,жардамгаааа деп кыйкырып

Datka7777

2021-05-27 15:40:11

Акыл эсинде проблема бар болсо студент болобу?

JaneEr

2021-05-27 18:19:38

Кой ээ,окшошпой калыптыр(((

Ala.too.456

2021-05-28 00:40:44

Эми бир жагынан караганда, жомогу окшошобу, окшошбойбу эжеси иниси учун болгон аракетин жасап жататда....

Комментарий калтыруу үчүн өз ысымыңыз менен кириңиз же каттоодон өтүңүз.