Бишкектен Ошко кетмек. 38 жаштагы Медер Мамбетов аттуу жаран дайынсыз болуп изделүүдө

Бишкекте 38 жаштагы Медер Мамбетов аттуу жаран дайынсыз болуп изделүүдө. Бул тууралуу Ленин РИИБинин басма сөз кызматынан билдиришти.

Маалыматка ылайык, 19-май күнү Ленин райондук милициясына шаар тургуну арыз менен кайрылган. Анда арыз ээси 1983-жылы туулган Медер Мамбетов аттуу досу 12-май күнү болжол менен саат 15:00 чамасында Токтогул жана Кулиев көчөлөрүнүн кесилишинен Ош облусуна кетмекчи болуп чыгып кеткен бойдон белгисиз болуп жатканын билдирген.

"Бою 180-183 сантиметр арык чырай келген, чачтары кара түстө. Оң колунун ортоңку манжасы ийри. Кетеринде боз түстөгү спорттук кийим жана көк шапка кийип кеткен", - деп жазылган арызда.

Милиция сүрөттөгү жаранды көргөн-билгендер болсо, кабарлап коюуну өтүнөт: 0312 352-605, 0312 444- 457, 0312 352-632, 0312 352-947, 0707 557-887, 0701 644-403 же 102.

Автор: Гүлзина Каныбекова