"Салмагы 6 килограмм". Англияда алп наристе төрөлдү

Англиянын Бакингемшир графтыгына караштуу Чеддингтон шаарында алп наристе төрөлдү. Анын салмагы 6 килограмм, бою 60 сантиметр. Бул тууралуу чет элдик маалымат булактары жазышат.

Маалыматка ылайык, 27 жаштагы Эми Смит менен 28 жаштагы жолдошу Зак уулу салмактуу болуп төрөлөрүн алдын ала УЗИнин жыйынтыгы менен билишкен. Бирок салмагы менен бою күтүлгөндөн да жогору болгон. Ымыркай төрөткананын таразасына батпай калган. Мындан улам башка тараза алып келишкен. Анын бою 60 сантиметрди түзүп, салмагы 6 килограмм болгон. Ымыркайды 2 киши көтөргөн.

Ымыркайга алдын ала алынган кийимдер кичинекей болуп калып, ага 6 айлыктан 9 айлык наристелерге ылайык кийим алууга туура келген. Алп наристеге Загрис деген ысым ыйгарышкан.

Автор: Сезим Жумагулова