Бишкекте Балдарды коргоонун эл аралык күнүнө карата маданий иш-чаралардын программасы

Балдарды коргоонун эл аралык күнүнө карата маданий иш-чаралардын программасы жарыяланды. Бул тууралуу шаардык мэриянын басма сөз кызматынан билдиришти.

1-июнь Балдарды коргоонун эл аралык күнүн утурлай борбор калаада төмөнкү иш-чаралар өтөт:

1-июндан 7-июнга чейин №4 балдар искусство мектебинде көркөм сүрөт бөлүмүнүн студенттеринин сүрөт көргөзмөсү болот.

1-июнь:

саат 10:00дө №7 Балдар искусство мектебинин концерттик залында (4-кичи район, 6/2) Балдарды коргоо күнүнө арналган концерт болот;
саат 10:00дө Чуйков атындагы музейде (Чуйков көчөсү 87) Балдар искусство мектеби менен биргеликте "Балдар дүйнөнү боёшот" көргөзмөсүнүн ачылышы;
саат 10:00дө Чоң Арык айылындагы Маданият үйү (Самойленко көчөсү 2/1) балдар үчүн майрам;
саат 12:00дө Фучик сейил багында шаардык "Диалог" Маданият үйүнөн балдар үчүн №2 балдар искусство мектеби менен биргеликте майрамдык концерт болот.

Автор: Айзада Кыдырмышева