Бишкекте троллейбустар маалымат мониторлору менен жабдылды. Бул тууралуу шаардык мэриядан билдиришти.
Маалыматка ылайык, аталган саамалык Бишкек Троллейбус башкармалыгынын Медиа технологиялар компаниясы менен макулдашуусунун жыйынтыгында ишке ашкан.
Мониторлор Бишкек шаарындагы 130 троллейбуста орнотулган. Экрандардан шаардын жашоосу, пандемия учурунда сактануу эрежелерин эскерткен видеотасмалар, ошондой эле троллейбус каттамдары жөнүндө маалыматтар көрсөтүлөт.