Улукбек Кочкоров: "Кыргыз диаспораларынын Орусия бийлиги менен жолугушуусунда депутаттар да катышуусу керек"

Жогорку Кеңештин 5 депутатын жана өкмөт мүчөсүн Орусия бийлиги менен кыргыз диаспораларынын жолугушуусуна жөнөтүү керек. Бул тууралуу Жогорку Кеңештин 24-октябрдагы отурумунда депутат Улукбек Кочкоров билдирди. "Азыр Орусиядагы мигранттарга карата кысым көрсөтүлүп жаткандыгы тууралуу кабарлар түшүп жатат. 30-октябрда биздин диаспоралар менен Орусия бийлигинин өкүлдөрү жолугат. Мекендештерибиз депутаттарды да чакырышты",- деди ал. Мындан сырткары ар бир фракциядан бирден депутат жана өкмөттүн бир мүчөсүнүн баруусун сунуштады. Асылбек Жээнбеков бул сунушту карап чыгуу үчүн тийиштүү комитетке жөнөттү.

Автор: Айпери Ганыжан кызы