Кыргыз-Тажик чек арасындагы кырдаал чыңалуу абалында деп бааланууда. Бул тууралуу УКМКнын чек ара кызматынан билдиришти.
"Тажик тарап мурда келишилген бардык келишимдерди бузуп, 4-июнь күнү түнкү саат 03:00 чамасында Чоң-Алай районунун Унжу-Булак аймагындагы чек аранын сүрөттөлө элек тилкесинде кыргыз аймагына 100 метрге чейин кирип, контейнер коюшту.
Мындан сырткары Тажикстан тараптын аскер адамдарынын чогулуп жатканы байкалууда", - деп айтылат маалыматта.