Депутат Жоробеков банктарда насыялардын пайызы жогору экенин айтты

Депутат Тариел Жоробеков насыялардын пайызы жогору экенин айтты. Бул тууралуу ал бүгүн, 7-июнда Жогорку Кеңештин комитет жыйынында билдирди.

Ал муну ким көзөмөлдөшү керектигине кызыкты.

Улуттук банктын төрагасы Толкунбек Абдыгулов маселе татаал экенине токтолду. "Коммерциялык банктар ортомчулук кызматты аткарат. Алар элден депозиттерди алып, ага өз чыгымдарын кошуп туруп элге насыя берет. Ал эми бүгүнкү күндө депозиттердин баалары улуттук валютада 12 пайыздан башталат. Ошондуктан орточо эсеп менен алганда 17-18 пайыздан насыялар берилет. Бирок кичи каржылык компанияларда пайыздык чен жогорураак", – деди.

Автор: Жылдыз Джускембаева