Орхан Инандынын жоголушунун себеби ал табылганда гана белгилүү болот. Бул тууралуу бүгүн, 7-июнда Жогорку Кеңештин комитет жыйынында ички иштер министринин орун басары Сүйүн Өмүрзаков билдирди.
"Орхан Инандынын жоголушунун себеби ал табылганда гана белгилүү болот. Азыр издеп жатабыз. Себеби буга чейин элчилик менен жолукканбыз. Алар бул боюнча маселе көтөргөн эмес. Ал биздин жаран. Анын укугун биз коргогонго милдеттүүбүз. Табыла турганына ишенебиз. Ким күнөөлүү болсо, ошолор жооп берет. Адамды уурдоо фактысы менен иш алып барылып жатат", - деди ал.