Бишкекке кеткен. Чүйдө 18 жаштагы жигит бир айдан бери дайынсыз болуп изделүүдө

Чүйдүн Панфилов районунда 18 жаштагы Миржан Русланбек уулу дайынсыз болуп изделүүдө. Бул тууралуу облустук милициядан билдиришти.

Маалыматка ылайык, ал 3-май күнү үйүнөн Бишкек шаарына кеткен бойдон бүгүнкү күнгө чейин белгисиз.

"Бою 170-175 сантиметр, арык чырай, көзү-кашы кара. Үйдөн чыгып жатканда үстүндө кара түстөгү футболка, көк түстөгү жынсы шым бутунда кара спорттук бут кийим кийип жүргөн", - деп айтылат маалыматта.

Милиция сүрөттөгү жигитти көргөн-билгендер болсо, төмөнкү номерлерге кабарлап коюуну өтүнөт: 0(312) 60-79-89, 0(707) 18-11-87, 0(702) 31-75-22.

Автор: Гүлзина Каныбекова