Бүгүн, 10-июнда Бишкек-Нарын-Торугарт унаа жолунда атайылап таш түшүрүү иш-чаралары жүргүзүлөт. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, "Кыргыз темир жолу" мамлекеттик ишканасы тарабынан 2021-жылдын 10-июнь күнү Бишкек-Нарын-Торугарт унаа жолунун 132-чакырымында (Боом капчыгайы) атайылап таш түшүрүү иш-чаралары жүргүзүлөт.
Коопсуздукту сактоо максатында атайылап таш түшүрүү иш-чаралары жүргүзүлүп жаткан учурда унаалардын бардык түрүнө саат 09:00дөн 15:00гө чейин убактылуу чектөө киргизилип турат.