БШКнын мүчөсү Ишенбай Кадырбеков: "Мамлекеттик көйгөй өлкөдөгү ар бир жарандан куралат"

Борбордук шайлоо комиссиясынын мүчөсү бүгүн, 23-октябрдагы "Ар-намыс" фракциясынын жыйынында "КРнын шайлоо жөнүндө" КРнын конституциялык мыйзам долбоору боюнча баяндама жасады. Ал мыйзам долбоорундагы шайлоолордо өлкө боюнча бирдиктүү округду 9 аймактык округга бөлүү маселесине токтолуп, муну өлкөдө аймактык бөлүнүүгө жол берет деп айтуу туура эмес экенин билдирди. "Мамлекеттик көйгөй аймактардан куралат. Биз шайлоолордо ар бир шайлоочунун укугун эске алышыбыз керек. Шайлоого катышкан партияларга ар бир аймактан талапкерлер кирет, аймактык бөлүнүүгө жол берилет дегенге кошулбайм",- деди Кадырбеков.

Автор: Автандил Добулбеков