Баткен жана Согди облустарынын башчылары жолугушуп, чек ара маселесин талкуулашты

Бүгүн, 16-июнда министрлер кабинетинин Баткен облусундагы ыйгарым укуктуу өкүлү Абдикарим Алимбаев жана Тажикстандын Согди облусунун аткаруу бийлигинин төрагасы Ражаббой Ахмадзода жолугушту. Бул тууралуу аталган аймактагы өкүлчүлүктүн маалымат кызматынан билдиришти.

Билдирүүгө ылайык, жолугушуу Баткен районунун Исфара району менен чектешкен аймагында өтүп, анда эки облустун башчылары баштаган район акимдери жана күч түзүмдөрүнүн жетекчилери катышты.

Бул жолугушууда 1 жумалык чек арадагы айылдардагы кырдаал такталып, сүйлөшүү жүрдү.

Сүйлөшүүнүн натыйжасында;

* Чек аралаш жайгашкан айылдарда, эл ичинде түшүндүрүү иштерин жүргүзүү, чагымчыл маалыматтарды таратпоо;

* Чек арада жаралган бардык маселелер боюнча ыкчам түрдө тиешелүү кызматтар жолугушуп, ыкчам түрдө иш аракеттерин жүргүзүү;

* Чек арадагы айылдарда элдин коопсуздугу жана жашоо-шартына шарттарды түзүү маселелери каралды.

Министрлер кабинетинин Баткен облусундагы ыйгарым укуктуу өкүлү Абдикарим Алимбаев жолугушуу учурунда “Чек ара маселесинде этияттык менен иш аракет жүргүзүү керек. Массалык маалымат каражаттарында жана блогерлердин бир тараптуу жалган маалымат таратып күнөөлөп жаткандыгы боюнча көзөмөлгө алып, андай чагымчыл маалыматтарды токтотуу керек”, - деди.

Ошондой эле Тажикстандын Согди облусунун аткаруу бийлигинин төрагасы Раджаббой Ахмадзода сөз сүйлөп,
“Биз бири-бирибизге ишеним көрсөтүү менен биргеликте иш аракет жүргүзүүнү жандантуубуз керек”, - деди.

Ушундай эле эки тараптуу жолугушуу ушул айдын соңку күндөрүнө пландаштырылды.

Эске салсак жума сайын чек арадагы көйгөйлүү делген чектеш айылдарда жолугушуп туруу боюнча эки облустун жетекчилеринин демилгеси менен уюштурулууда.

Автор: Жылдыз Джускембаева
Фото: Министрлер кабинетинин Баткен облусундагы өкүлчүлүгү

20:33 16-06-2021

Жазылуу

РУБРИКАДАГЫ СОҢКУ КАБАРЛАР

23:33 2026-09-28 | Коом жана турмуш

Араванда шаар куруу жана архитектура башкармалыгынын жаңы имараты пайдаланууга берилди 291 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 450 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 350 0

21:16 2026-09-28 | Коом жана турмуш

Мас абалында араң сүйлөп… Бишкекте айдоочу кармалды 724 0

20:41 2026-09-28 | Коом жана турмуш

Ошто Жетимишов көчөсүндөгү жол оңдоо иштери аяктоо алдында 309 0

20:13 2026-09-28 | Коом жана турмуш

Тай-Мурас Ташиевдин Бишкек ШИИБине барганы маалым болду 1382 0

Архив

Комментарийлер (4)

-FREEDOM-

2021-06-16 21:23:04

Тынчылык болсун!

Dastanali

2021-06-16 21:55:18

Жакшы болуптур, дагы талкууланыздарчы

Shabi

2021-06-16 22:00:56

Бул тажиктер созго тушунбойтпу деп ойлоп калдым.жакшыле суйлошулду,суйлошуу журду дейт дагы.тажиктер каайрале баягысын баштайт

Alixan-Nookat.2015

2021-06-17 08:34:20

Бул тажиктердин ар бир кадамына катуу жоопторду берип турганды мынчалыка бара алышпайт эле, биздин бийлик алсыз баары мыйзам талаасында деп отура берет.

Комментарий калтыруу үчүн өз ысымыңыз менен кириңиз же каттоодон өтүңүз.