Былтыр күздөн бери дайынсыз. Бишкек шаарында 21 жаштагы Калия Калеева изделүүдө

Бишкек шаарында 21 жаштагы Калия Калеева дайынсыз болуп изделүүдө. Бул тууралуу Ленин РИИБинин басма сөз кызматынан билдиришти.

Ага ылайык, өткөн жылдын 14-октябрында Ленин райондук милициясына шаар тургуну арыз менен кайрылган. Арызда 19-сентябрь күнү 20 жаштагы кызы Ала-Тоо конушунда жайгашкан үйүнөн чыгып кеткен бойдон кайрылып келбегенин жазган.

Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Белгилери: Бою 170-175 сантиметр, арык чырай, чачы кара, көздөрү күрөң.

Милиция сүрөттөгү кызды көргөн же билгендер болсо төмөнкү номерлер аркылуу кабарлап коюуну суранат: (312) 352-605, 0 (312) 444- 457, 0(312) 352-632, 0(553) 102-465, 0(703) 401-600,0 (705) 450-553, 0(553) 102-880 7) жана 102.

Автор: Гүлзина Каныбекова
Фото: Ленин РИИБинин маалымат кызматы