Өлкө боюнча 90 миңден ашуун адам коронавируска каршы эмделди

18-июнга карата өлкөдө 90 миңден ашуун адам эмделди. Бул тууралуу мамлекеттик санитардык-эпидемиологиялык көзөмөл борборунун эмдөө бөлүмүнүн башчысы Бурул Асыкбекова брифинг учурунда билдирди.

"Өлкө боюнча коронавируска каршы эмдөөнүн биринчи дозасын алгандардын саны 91 миң 545 адамга жетти. Экинчи дозаны алгандар 66 миң 578 адам. Анын ичинен Бишкек шаары боюнча биринчи дозаны алгандардын саны 21 миң 830 адам, экинчи доза менен 18 миң 653 адам эмделди. Вакцинаны алгандан кийин эч кандай татаалдашуу жана өлүмгө учурагандар болгон жок. Эмдөө 18 жаштан жогору жана каалаган жарандарга жасалууда", - деп билдирди Асыкбекова.

Автор: Айзада Кыдырмышева