"Ресторанда тейлөө көрсөтүлөт, баасы 70 сомго жетпейт, 69 сом". Бишкек-Балыкчы-Бишкек багыты боюнча поезд каттамы жүрө баштады

Жайкы туристтик сезонго карата "Кыргыз темир жолу" мамлекеттик ишканасы Бишкек-Балыкчы багыты боюнча поезд каттамын бүгүн, 18-июндан тарта ишке киргизди. Бул тууралуу аталган ишкананын басма сөз кызматынан билдиришти.

Маалыматка ылайык, жайкы эс алуу сезону аяктаганга чейин Бишкек-Балыкчы-Бишкек поезд каттамы жүргүнчүлөрдү ташыйт. Каттам жума, ишемби, жекшемби күндөрү ишке ашырылат.

Бишкек-Балыкчы поезд каттамы менен Балыкчыга жол тарткан социалдык тармактардын колдонуучулары поезддин шарттарына ыраазы болушкан билдирүүлөрүн калтырышууда.

"Бүгүн Балыкчыга быйылкы биринчи поезд менен бара жатабыз. Жада калса вагон-ресторан бар экен, эгерде суроо-талап көп болсо, дайыма иштей тургандай кылышарын айтышты".

"Бишкек-1ден 5 мүнөттө Фрунзе-2ге жеттик. Мен эч жакка ушунчалык тез жеткен эмесмин. Бүгүн Бишкек - Балыкчы - Бишкек поезд каттамы ишке кирди. Вагондо ал тургай, жолдорго ак килемдер төшөлгөн, бардыгы ушунчалык салтанаттуу. Табитке жараша меню. Тейлөө деңгээли мыкты жана романтика", - деп жазышкан колдонуучулар.

Белгилей кетсек, поезд каттамынын жүгүртмөсү төмөндөгүчө: Бишкек-Балыкчы каттамы саат 07:00дө, Бишкек-1 темир жол бекетинен жөнөп, саат 11:59да Балыкчыга барат.

Балыкчы-Бишкек-1 поезди саат 17:15те Балыкчы бекетинен жөнөп, 22:03тө Бишкек-1 темир жол бекетине келет.

Билет баалары: Чоңдор үчүн 69 сом, балдар үчүн 34 сом (5 жаштан 10 жашка чейин).

Бишкек-Балыкчы-Бишкек багыты боюнча поезд жүрө баштады

Автор: Айзада Кыдырмышева

11:14 18-06-2021

Жазылуу

РУБРИКАДАГЫ СОҢКУ КАБАРЛАР

23:33 2026-09-28 | Коом жана турмуш

Араванда шаар куруу жана архитектура башкармалыгынын жаңы имараты пайдаланууга берилди 291 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 450 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 350 0

21:16 2026-09-28 | Коом жана турмуш

Мас абалында араң сүйлөп… Бишкекте айдоочу кармалды 724 0

20:41 2026-09-28 | Коом жана турмуш

Ошто Жетимишов көчөсүндөгү жол оңдоо иштери аяктоо алдында 309 0

20:13 2026-09-28 | Коом жана турмуш

Тай-Мурас Ташиевдин Бишкек ШИИБине барганы маалым болду 1382 0

Архив

Комментарийлер (5)

kkkk3259780

2021-06-18 12:05:32

ОШ Бишкек жол ушундай болсо аа, эххх

algakaray

2021-06-18 15:21:15

Кымбатыраак кылып сервисти дагы жакшы жасаса элдерге

Aiymkan89

2021-06-19 03:04:16

69сом ото арзан,Москва Питер эн арзан 800р туратко жол 8 саат. Жок дегенде 100, 150 сом болсо жакшы болмок

Asmat84

2021-06-19 09:36:01

69сомдон актайт бекен. Өтө эле арзан го. Өкмөт элге жагам деп атып аягы банкрот менен чыкчу эле. Андан көрө бир аз бааны көтөрүп, тейлөө жагын жакшыртса кандай болоор эле

cholponai.e

2021-06-19 11:00:57

Кымбат болсо кымбаттап кетти дейбиз. Арзан болсо эмне мынча арзан дейбиз бизге эмне жагат озу?

Комментарий калтыруу үчүн өз ысымыңыз менен кириңиз же каттоодон өтүңүз.