Бишкек мэриясы уюмдарга кызматкерлердин 50 пайызын аралыктан иштөөгө которууну сунуштайт

Бишкек мэриясы уюмдарга кызматкерлердин 50 пайызын аралыктан иштөөгө которууну сунуштайт. Бул тууралуу мэриядан билдиришти.

Маалыматка ылайык, тобокел коркунучу бар кызматкерлерди алыстан иштөөгө өткөрүп берүү жагын караштыруу керек.

60 жаштан өткөн кызматкерлер же өнөкөт оорулардан (гипертония, кант диабети, дем алуу органдарынын өнөкөт оорулары, онкологиялык оорулар жана башка) жапа чеккендерди аралыктан иштөөгө өткөрүү шарт. Мэрия ведомстволук уюмдарда санитардык-эпидемиологиялык ченемдердин сакталышына көзөмөл жүргүзүү үчүн жетекчилер жеке жооптуу экендигин эскертет.

Автор: Жылдыз Джускембаева