Кургакчылык күч алып жаткан Казакстанда эртең күн +42 градуска чейин ысый турганы айтылды

Коңшу Казакстанда эртең, 22-июндан 24-июнга чейин күндүн катуу ысышы күтүлүп жатат. Бул тууралуу Казгидрометке таянуу менен аталган өлкөнүн басылмалары жазышты.

Маалыматка ылайык, катуу ысык Казакстандын батышында күтүлүп жатат. Анда 22-24-июнь күндөрү күндүз күндүн табы +42 градуска чейин жетерин жазышты казак басылмалары.

Буга чейин Казакстандын бир нече аймагында жаан жаабай, катуу кургакчылык күтүп жатканы маалымдалган. Тоюттун жоктугуна байланыштуу Казакстанда төөлөр картон жеп жаткандыгы кабарланган.

Казакстандын Ветеринария дирекциясынын маалыматы боюнча, май айынын аягында Мангистау облусунда 1 миң 100 жылкы ачкалыктан өлгөн. Көптөн бери аймактарда жаан-чачын жаабай, жайыттар күйүп, тоют жок болууда.

Автор: Азат Бейшенбеков