Бишкекте таштанды урналары жана урна жайгашкан аянттар жуулуп баштады

Бишкекте "Тазалык" муниципалдык ишканасынын кызматкерлери таштанды урналарын жана урналар жайгашкан жерлерди жууп баштады. Бул тууралуу SUPER.KG порталына Бишкек шаардык мэриясынан кабарлашты.

"Жалпысынан бүгүнкү күнгө чейин дээрлик 1000 урна жана 200дөн ашык таштанды урналарынын аянты жуулду. Ошондой эле урналар оңдолуп, талкаланып жана уурдалган дөңгөлөктөрү алмаштырылууда. Буга чейин 323 дөңгөлөк калыбына келтирилген.

Тазалоо жана оңдоо иштери жүрүп жатат. Жалпысынан жумушка 6 бирдик атайын техника жана 30га жакын жумушчу тартылган. Жакынкы күндөрү компаниянын кызматкерлери урналарды жана урна аянтчаларын сырдап башташат", - деп билдиришти аталган мекемеден.

Автор: Ырыскелди Салбаров