Билим берүү министринин орун басары: "Сапат" билим берүү мекемеси мурдагыдай эле ишин уланта берет"

Бүгүн, 7-июлда Жогорку Кеңештин жыйынында Орхан Инанды Түркия тарабынан кармалганы боюнча укук коргоо органдарынын маалыматы угулууда.

Депутат Абдывахап Нурбаев "Сапат" билим берүү мекемесинин келечеги кандай болорун сурады.

Билим берүү жана илим министринин орун басары Надира Жусупбекова мекеме мурдагыдай эле иштерин уланта бере турганын айтты. "Билим берүү мекемелери Кыргыз өлкөсүндө жайгашкан. Ал жакта Кыргыз өлкөсүнүн мугалимдери иштеп жатышат", - деди ал.

Автор: Жылдыз Джускембаева