Шанхайда дүйнөдөгү эң ири астрономиялык музей ачылды

Кытай Эл Республикасынын Шанхай шаарында көлөмү боюнча дүйнөдөгү эң ири астрономиялык музейи ачылды. Бул тууралуу чет элдик басылмалар жазып чыгышты.

Маалыматка ылайык, дүйнөдөгү эң ири планетарийдин жалпы аянты 58 миң 600 чарчы метрге жакын. Музей Кытайдын (Шанхай) эксперименталдык эркин соода аймагынын Линганг атайын аймагында жайгашкан. Бул Шанхай илим жана технология музейинин филиалы болуп саналат.

Музейдин экспонаттарында Ай, Марс жана Вестадагы 70ке жакын метеорит, ошондой эле Исаак Ньютон, Галилео Галилей жана Йоханнес Кеплердин чыгармалары сыяктуу 120дан ашуун экспонаттардын коллекциясы бар. Кытайдын Chang'e-5 зонду аркылуу алып келинген Ай топурагынын бир бөлүгү дагы коомчулукка тартууланат.

Мындан тышкары маалыматтарды визуалдаштыруу виртуалдуу чындык жана биометрикалык технологиялар да өз ара аракеттенүү үчүн келгендерге астрономиялык жана илимий билим алууга жардам берүү үчүн киргизилген.

Автор: Алина Айдарбекова