Аскар Акаев өлкөгө УКМКнын "Кумтөр" боюнча суроолоруна жооп берүү сунушуна макул болуп келгенин мурдагы министр Бекболот Талгарбеков билдирди.
"Бул сунуш УКМК тарабынан берилген. Ал баары мыйзам чегинде болоруна ишенип анан өлкөгө келди. Ал суроолорго жооп берип андан соң Москвага кайра кетет.
Ошондой эле көзү өтүп кеткен эки агасына куран окутат. Ал эми Майрам Акаева кайсы убак болбосун келсе болот, буга чейин анын кыздары, балдары келип эле жүрүшкөн", - деди Талгарбеков.