Бүгүн, 4-августта "Токио-2020" XXXII Жайкы Олимпиада оюндарында эркин күрөш боюнча балбаныбыз Айсулуу Тыныбекова япониялык спортчу айым Юкако Каваиден намыс талашты.
Айсулуу Тыныбекованын кичи мекениндеги "Чолпон" кинотеатрында беттештин жүрүшү көрсөтүлүүдө. Ага күйөрмандык кылган жергиликтүү тургундардан тартып, ата-энеси, жакындары келишип, экран артынан сүрөп, дем беришүүдө. SUPER.KG порталы балбандын кичи мекениндеги колдоону түз эфир аркылуу чагылдырды.
Бүйүр кызыткан мелдеш 3:4 эсебинде япониялык балбандын жеңиши менен аяктады.