Ошто жаңы үйлөнгөн жубайлар кортеждин ордуна 50 окуучуга окуу курал алып беришти

Турмуш жолуна жаңы кадам ташташкан Тынчтыкбек менен Бегимай кортеж менен жүрүүнүн ордуна 50 мектеп окуучусуна окуу куралдарын жана керектүү жабдыктарды алып беришти. Бул тууралуу муфтияттан билдиришти.

Иш-чара Ош облусунун мусулмандарынын казыятында өтүп, ага облус казысы Сайдамир Жейналиев, Аалымдар Кеңешинин мүчөсү Абдималик Турсунбеков, «Ыйман-Бакыт» коомдук фондунун жетекчиси Талант Алмаматов, казыяттын аялдар менен иштөө адиси Жамийла Жапашова жана мектеп окуучулары катышты.

Саамалык алкагында облус казысы эки жаштын бул кадамы ашыкча чыгымдар менен күрөшүү экендигин баса белгилеп, мындай көрүнүш башкаларга дагы үлгү болуусу керектигин билдирди.

"Учурда мамлекетибиз жана дин чөйрө ашыкча чыгымдарга бөгөт коюу боюнча тыгыз иш алып барууда. Бүгүнкү көрүнүш ысырапкерчиликке каршы күрөшүүгө салым болсо, экинчи тараптан илим-билимдин өнүгүүсүнө материалдык жактан көмөктөшүү болуп саналат. Мамлекетибизде дал ушундай жаштар көбөйө берсин", - деди облус казысы.

Автор: Айсалкын Качкынбекова

09:28 14-08-2021

Жазылуу

РУБРИКАДАГЫ СОҢКУ КАБАРЛАР

08:52 2026-09-29 | Саясат

Чүйдөгү мектеп-интернатта кыздардын көбүнөн педикулез аныкталды 17 0

08:20 2026-09-29 | Спорт

"Ак шумкарлар" Мальдив аралдарын 5:0 эсебинде жеңди 118 0

08:04 2026-09-29 | Коом жана турмуш

29-сентябрга карата чет элдик валюталардын курсу 203 0

23:33 2026-09-28 | Коом жана турмуш

Араванда Шаар куруу жана архитектура башкармалыгынын жаңы имараты пайдаланууга берилди 418 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 670 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 469 0

Архив

Комментарийлер (21)

Nursul

2021-08-14 10:05:13

50 окуучугабы же 50 мектептин окуучусунабы? Түшүнбөй жатам.

-12

Rifle_I

2021-08-14 13:02:25

Nursul,
Сүйлөмдүн ээси "мектеп окуучу"

KG-312

2021-08-14 14:11:15

Nur-sultan. Кафе, ресторан, кортеждерин чыгарып, тойлорун мактангандарга эмнеге популизм деп сын жазбайсыңар? Булар ошондой ысырапкорлорго үлгү болууда, молодец жаштар экен.

Nursul

2021-08-14 18:19:53

Rifle_I, эми оңдоп коюшуптур туура эмес жазсам кечиресиздер.

nazira...

2021-08-14 10:53:10

50 окуучуга окшойт.

Nur-sultan

2021-08-14 10:58:05

Популизим...
Остаток товарларды жөн эле алып барып берип койгула да. Тойду, динди бетке кармабай

-21

Ergeshev.77

2021-08-14 11:39:37

Nur-sultan,давай сен да популизм жаса 50 эмес 15 остаток товар алып бер акыл эсин жайындабы остаток товар сентябрдын 15 инен кийин болот сен да тап жаса популизм акылдуу болсон

+14

ayzhan12

2021-08-14 13:13:54

Ergeshev.77,
Муфтият калп эле динди пиярлап жатат. Муфтият да хайп жасаганды салт кылып алды. Биз деле мектепке динди пияр кылбай эле, жанылык кылбай эле коптогон парта, стулдарды сатып бергенбиз. Муфтият эки жуздуу болуп калганбы билбейм. Минтип динди пияр кылбай эле мектептерге жардам берип жаткан жарандар миндеп саналат.

-11

Asyl.jazi

2021-08-14 14:59:41

ayzhan12,чачынызды коё берип коюп журо бер

KaGaH

2021-08-14 16:08:15

ayzhan12, Аллахым жүрөгүңүзгө ыйман берсин!
Келечекте чачыңызды жайып жарым жылаңач болбой,
Хиджаб кийгенинизди көргүм келет!)

ayzhan12

2021-08-14 16:50:27

KaGaH,
Эч качан башыма хиджаб, паранджа чумконбойм жана оронбойм. Оронгум да келбейт. Андан коро кыргыздан ар бир аял заты чачынарды жасап, кое берип, сулуулукту барктап жашагыла. Ар бир аял заты корктуу, сулуу болуусу абзел. Хиджаб чумконуп алгандан бактылуу болуп кетпейм.

-6

KaGaH

2021-08-14 17:44:25

ayzhan12,кабыр азабы жаман,бирок өзүңүз билесиз

Ergeshev.77

2021-08-14 18:13:15

ayzhan12,жыналач жур анда

Ergeshev.77

2021-08-14 18:12:40

ayzhan12,сатып берген богон пиар кылбасан мага купуя кат жазбайт белен сен именно сен алып берген эмессин алып берген адам унчукпай коет

KaGaH

2021-08-14 11:13:33

Маша Аллах!силерге окшогон инсандар көбөйсүн!
Эл эмне дейт, коңшумдун ичи күйсүн деген түшүнүктөн алыс бололу

+10

Luna7

2021-08-14 11:25:19

Эн сонун,бактылуу болушсун

nazira...

2021-08-14 12:14:11

Ошо кортеж, мортеж дегениңерди койкулачы балдар. Медресегк же доминтернаттврга жардам берип койсоңор сообу чон болот эле. Билбейм мен баламы кантип үйлөйм, кеткен расхрддорун угуп эле азыртан корком, каяктан.табам анча акчаны. Ыйман берсин да балдарыбызга алла таалам.

Gulina90

2021-08-14 12:40:03

Бактылуу болушсун,жакшы кылышыптыр,ичи тарлык кылбай ушундайлар көбөйсүн дейли.

Antiradikal3

2021-08-14 12:43:56

Жакшы жана сооп иш кылышыптыр. Омурлору узун, бактылуу болушсун. Башкаларга улгу болоорлук иш кылышыптыр, башкалар улгу алышса экен.......

bond0202

2021-08-14 14:19:48

Элди тоноп аткан ресторандарды жабыш керек.ошондо ысырапкерчилик жоголуп ушундай нерселерди кыла башташат

nazira...

2021-08-14 19:39:53

bond0202,мен да ошентип ойлойм. Кудайдан тилегеним эле ошо, балам 23кө жеткенче ресторандар жабылса экен деп. Өлүм болгон жерге деле бөгөт коюшту го, но билбейм күчүнө кирдиби жокпу. Ресторандардын оордун тринажерный зал кылып алышса деле акча түшөт эле.

Комментарий калтыруу үчүн өз ысымыңыз менен кириңиз же каттоодон өтүңүз.