Бүгүн, 23-августта Бишкектеги "Ала-Арча" резиденциясында "Токио-2020" жайкы Олимпиада оюндарына катышкан спортчуларды сыйлоо аземи өтүүдө.
Анда президент Садыр Жапаров белек алгандарды куттуктады. "Белегиңер кут болсун. Эгемендүүлүк күнүнүн 30 жылдыгына карата 3 медаль - эки күмүш, бир коло алып келип бердиңер. Кудай буюрса, Эгемендүүлүктүн 33 жылдыгына 3 алтын медаль алып келесиңер деп ишенем. Биз колдон келген жардамды беребиз", - деди ал.