"Динара Кутманованын көрсөтмөсү боюнча камакта отурам". Темир Сариевдин билдирүүсү жарыяланды

Мурдагы премьер-министр Темир Сариев Экология жана климат боюнча мамлекеттик комитеттин жетекчиси Динара Кутманованын көрсөтмөсүнүн негизинде камакта отурганын жазып чыкты.

"Мен жетектеген мамлекеттик комиссияга Динара Кутманова да жергиликтүү эксперт катары жумушчу тобуна тартылган. Мыйзам боюнча, мамлекеттик депутаттык комиссиясынын сотко берүүгө укугу жок. Андай укук мамлекеттин агенттигине, инспекцияларга берилген. Ошондуктан мамлекеттик комиссия отчёттун 43-бет 11 пунктунда, бардык "Центеррага" берилген доо-арыздарды колдойт деп корутундуга жазганбыз. Ошону бардык комиссиянын мүчөлөрү жактырып кол коюшкан. Кимдин өзгөчө пикири болсо, алар тиркемеге кирген. Отчётто бар. Динара Кутманова жөн жерден калп айтып коомчулукту алдап, адаштырып жатат. Акыркы убакыттагы "Кумтөр" боюнча козголгон кылмыш иштери мурунку жетекчилердин күнөөлөрүн моюнга алганы, ошол мен жетектеген комиссиянын иликтөөсүнүн кортундусунун негизинде бардыгын ачык айтып, фамилиялардын жазылганынын негизинде болуп жатат. Анткени ошол биз жазган отчёт бардыгын сапаттуу текшерип, конкреттүү фактылар менен жазылып берилген.

Мен 2000-жылдан бери Жогорку Кенештин депутаты болуп "Кумтөр" боюнча өзүмдүн ачык-айкын, түз позициям болгонун коомчулук билет. Сүйлөгөн сөздөрүм Жогорку Кеңештин стенограммасында жазылган. Видеосу социалдык тармактарда таралып жүрөт. "Кумтөр" долбоору - Кыргыз мамлекети үчүн, кыргыз эли үчүн кылымдын чоң аферасы" деп Жогорку Кеңештин трибунасынан айткан сөзүм да бар.

Мына ушул маселелерди эч коркпой, тайманбай, жоопкерчиликти сезип, мамлекеттин кызыкчылыгын сактап, бардык фамилияларды жазып коомчулукка жеткирген адам, азыр жалган жалаанын негизинде мыйзамсыз камалып отурат", - деп жазылат анын кайрылуусунда.

Автор: Жылдыз Джускембаева

15:19 23-08-2021

Жазылуу

РУБРИКАДАГЫ СОҢКУ КАБАРЛАР

08:52 2026-09-29 | Саясат

Чүйдөгү мектеп-интернатта кыздардын көбүнөн педикулез аныкталды 17 0

08:20 2026-09-29 | Спорт

"Ак шумкарлар" Мальдив аралдарын 5:0 эсебинде жеңди 118 0

08:04 2026-09-29 | Коом жана турмуш

29-сентябрга карата чет элдик валюталардын курсу 203 0

23:33 2026-09-28 | Коом жана турмуш

Араванда Шаар куруу жана архитектура башкармалыгынын жаңы имараты пайдаланууга берилди 418 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 670 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 469 0

Архив

Комментарийлер (3)

Jelezo

2021-08-23 15:40:08

Өч алмай заман болду качан экономиканы өнүктүрүү менен алектенебиз

-1

BakytbekAbdubakhapov

2021-08-23 20:54:34

Балыкчы Корумду жолунда жеп койгон акчаларынды неге айтпайсын брат???

Mister-XXX

2021-08-23 20:59:22

Жогорку Кеңеште башка сүйлөп,кылган ишиңер башка болуп жатпайбы?Эмнеге Жапаровго Кумтөр үчүн күйүп жатканда колдогон жоксунар?Жалгыз Жапаров чырылдап жатты го.Эгерде Кумтордун акциясы болсо,демек силер Кумтор учун иштеген болосунар.Аны териштируу оной эле.

-1

Комментарий калтыруу үчүн өз ысымыңыз менен кириңиз же каттоодон өтүңүз.