Шайлоо баштала элек. Урматбек Самаев Токмок шаарынын мэрлигине талапкерлигин алып салдыбы?

Бүгүн, 26-августта Бишкектин, Оштун, Токмоктун мэри шайланат. Шайлоо саат 09:00дөн 12:00гө чейин өтөт.

Бирок Токмок шаардык кеңешинин жыйындар залында көпчүлүк коалициянын, тактап айтканда "Патриот Ынтымагы", "Эл биримдиги" жана "Бирге" партияларынын бир дагы депутаты белгисиз себептерден улам келе элек.

Токмок шаарынын мэрлигине Урматбек Самаев жана Азат Кубатбек уулу талапкерлигин коюшкан.

SUPER.KG порталы Токмок шаарынын мэрлигине талапкер Урматбек Самаевге байланышканыбызда көпчүлүк коалициянын депутаттары эмне себептен жыйындар залына келе элегин билбей тургандыгын билдирди. Айтымында, ал өз талапкерлигин албайт.