Борбордо 56 от казан даярдалды. Бишкек мэриясында кышка камылга көрүү боюнча жыйын өттү

Бишкек мэриясында вице-мэр Жамалбек Ырсалиевдин жетекчилиги алдында кышкы мезгилге даярдык боюнча кезектеги жыйын орун алды. Бул тууралуу шаардык муниципалитеттен билдиришти.

Билдирүүгө ылайык, "Бишкекжылуулукэнерго" муниципалдык ишканасы тарабынан 56 от казан даярдалды.

"Ошондой эле 1-октябрга чейин дагы 10 от казан даярдалат.

Ак-Ордо жана Рухий-Мурас конуштарында газ түтүктөрүн орнотуу пландалган. Учурда аталган конуштарда газ түтүктөрүн монтаждоо иштери аягына чыгып жатат", - деп айтылат маалыматта.

Автор: Айжанар Рыспек кызы
Фото: Бишкек шаардык мэриясынын маалымат кызматы