Президенттин жарлыгы менен үстүбүздөгү жылдын 28-ноябры жаңы чакырылыштагы Жогорку Кеңештин депутаттарын шайлоо күнү. Бул тууралуу президенттин администрациясынан кабарлашты.
Маалыматка ылайык, президент Садыр Жапаров "Кыргыз Республикасынын Жогорку Кеңешинин депутаттарын шайлоону дайындоо жөнүндө" жарлыкка кол койду.
11-апрелдеги референдумда кабыл алынган Конституцияга ылайык, Жогорку Кеңеш 90 депутаттан турат жана 5 жылдык мөөнөткө шайланат.