Аба ырайы, 5-ноябрь: Тоолуу райондордо кар жааса, Баткен облусунда күндүзү 14 градуска чейин жылуу

5-ноябрда өлкөдө түнкүсүн жаан-чачын күтүлбөйт, күндүз Ош, Жалал-Абад, Баткен облустарынын айрым жерлеринде жаан жаап, тоо этектеринде жана тоолуу райондордо кар жаайт, калган аймактарда жаан-чачын күтүлбөйт. Түндүк-батыштан соккон шамалдын ылдамдыгы секундуна 4-9 метрге жетет. Республика боюнча күтүлгөн абанын температурасы төмөндөгүдөй:

Чүй облусунда күндүз +9...+14°C, түнкүсүн +1...+6°C

Талас облусунда күндүз +8...+13°C, түнкүсүн 0...-5°C

Ош жана Жалал-Абад облустарында күндүз +9...+14°C, түнкүсүн 0...+5°C

Баткен облусунда күндүз +9...+14C, түнкүсүн 0...+5°C

Ысык-Көл облусунда күндүз +7...+12°C, түнкүсүн -4...+1°C

Нарын облусунда күндүз +6...+11°C, түнкүсүн -3...-8°C

Бишкек шаарында күндүз +12...+14C, түнкүсүн +3...+5°C

Борбор шаарда жаан-чачын күтүлбөйт.

Тарых барактарына үңүлсөк, 2009-жылы 5-ноябрда Ош шаарында күндүз +21 градус ысык болгон. Ошол эле 2009-жылдын 5-ноябрында Нарын шаарында эртең менен -4 градус суук, ал эми 2010-жылы 5-ноябрда +10 градус ысык болгон.

Автор: Айбала Эргешов