Ички иштер министри Абдулда Суранчиев мектеп рэкетчилигине ата-энелер күнөөлүү экенин айтты

Ички иштер министри Абдулда Суранчиев бүгүн, 6-ноябрда өкмөт жыйынында мектеп рэкетчилигине ата-энелер себепчи болуп жатканын айтты. “Рэкетчиликке ата-энелердин көбү чет өлкөгө иштегени кетип, балдары көзөмөлсүз калганы, аларга тарбиянын жетишсиздиги себеп болууда”,- деди министр.

Мектеп окуучуларынын коопсуздугун камсыз кылуу ишке ашпай жатканын айткан өкмөт башчы Жантөрө Сатыбалдиев: “1 баланын өлүмү да катастрофа. Жабыр тарткан балдар үчүн ким жооп берет?” деди.

Буга А.Суранчиев Ички иштер министрлиги, Билим берүү жана илим министрлиги жана мектеп жооп бериши керектигин айтты.

Автор: Автандил Добулбеков