УКМК: "Мурунку саламаттыкты сактоо министринин тууганы коррупцияга шектелип кармалды"

Бүгүн, 15-октябрда мурдагы саламаттыкты сактоо министринин тууганы С.Ж. коррупцияга шектелип кармалды. Бул тууралуу УКМКнын басма сөз кызматынан билдиришти.

"Мурунку саламаттыкты сактоо министринин туугандарынын бири С.Ж. дары-дармек менен камсыздоо департаментинде дары-дармектерди мыйзамсыз каттоо үчүн министрликтин кызмат адамдарына пара берүү жолу менен фармацевтикалык компаниялардын кызыкчылыктарын колдогондугу жөнүндө далилдер алынды.

Азыркы учурда С.Ж. УКМКнын убактылуу кармоочу жайына киргизилди", - деп билдиришти атайын кызматтан.

Эскерте кетсек, дары-дармектерди калкка бурмаланган баада сатуу боюнча фактылар аныкталган.

Автор: Жолдубек Качкынбаев