2013-жылдын 9 айында Кыргызстанда алкоголдук ичимдиктерди өндүрүү жана жайылтуу боюнча 4 миң 528 лицензия берилген

2013-жылдын 9 айында алкоголдук ичимдиктерди өндүрүү жана жайылтуу боюнча берилген 4 миң 528 лицензиянын 4 334ү алкоголдук ичимдиктерди сатууга, 171и импортко жана 23ү өндүрүшкө берилген. Бул тууралуу бүгүн, 12-ноябрда SUPER.KG порталына

Мамлекеттик салык кызматынын басма сөз кызматы билдирди.

Аталган басма сөздүн маалыматы боюнча быйыл өткөн жылдын ушул мезгилине салыштырмалуу 1099 лицензия көбүрөөк берилген. Мындан тышкары 2013-жылдын 9 ай ичинде өндүрүлгөн жана импорттолгон алкоголдук ичимдиктердин жалпы саны- 5120,37 миң декалитр. Анын 1508,43 миң далы импорттук алкоголдук ичимдиктерге, 3611,94 миң далы ата мекендик өндүрүшкө таандык.

Төлөнгөн акциздик салыктын суммасы 754,59 млн сомду түзгөн. Алардын ичинен 176,53 млн сом импорттолгон ичимдиктерден жана 578,06 млн сом ата мекендик өндүрүштөн түшкөн.

Автор: Даткайым Досматова