Жогорку Кеңештин депутаты Карганбек Самаков БУУнун 37-башкы конференциясына катышууда

Париж шаарында, ЮНЕСКОнун штаб квартирасында Бириккен улуттар уюмунун Билим берүү, илим жана маданият маселелери боюнча башкы конференциясы өтүп жатат.

Ага кыргыз делегациясын жетектеп барган Жогорку Кеңештин депутаты Карганбек Самаков катышууда.

Самаков атайын баяндама менен чыгып, материалдык жана материалдык эмес маданий мурастарды коргоо, билим берүүнү өркүндөтүү, таза суу, жалпы суу ресурстарын коргоо боюнча маселелерди айтты жана ЮНЕСКО тарабынан аткарылып жаткан иштерге токтолду.

Айта кетсек, депутаттын баяндамасы БУУнун Билим берүү, илим жана маданият маселелери боюнча башкы конференциясында Кыргызстандын атынан сүйлөнгөн эң алгачкы баяндама. Конференцияда билим берүү маселелери талкууланып, ЮНЕСКОнун аткаруу кеңеши жана башка органдары кайрадан шайланат, ЮНЕСКОнун башкы директору Ирина Бокованын талапкерлиги бекитилет.

Автор: Автандил Добулбеков