Бишкекте аялдарга карата зомбулукка каршы көргөзмө ачылат

22-ноябрдан 24-ноябрга чейин Бишкекте аялдарга карата зомбулукка каршы “Сүйлө, коркпо” аттуу социалдык сүрөт көргөзмө ачылат. Бул тууралуу иш-чаранын уюштуруучулары билдиришти. Көргөзмө сүрөт искусствосу аркылуу орчундуу маселеге кайрылуу болуп эсептелет. Сүрөттөрдө бүгүнкү күндө зомбулукка кабылган аялдардын жашоосу чагылдырылган.

Долбоордун максаты – кыргыз аялдарына болгон катаал мамилеге коомчулуктун көңүлүн буруу, зомбулукка туш болгон аялдарга (үй-бүлөдөгү зомбулук, кулчулукка, ала качууга, эрте турмуш куруу, зордуктоого кабылгандар) колдоо көрсөтүү болуп эсептелет. Сүрөт көргөзмө “Бишкек парк” соода борборунда өтөт.

Автор: Айпери Ганыжан кызы