Темир Сариев: "2012-жылы Кыргызстандын КМШ өлкөлөрү менен соода жүгүртүүсү 36 пайызга өстү"

Бүгүн, 13-ноябрдагы Жогорку Кеңештин жыйынында экономика министри Темир Сариев “2012-жылдын жыйынтыгы боюнча Кыргызстандын КМШ өлкөлөрү менен соода жүгүртүүсү 36 пайызга өстү” деп билдирди.

“Кыргызстандын КМШ өлкөлөрү менен соода жүргүзүүсү 2012-жылы 4 миллиард 15 миллион 600 миң долларды түздү. Бул 2011-жылга салыштырмалуу 36 пайызга өсүү болуп эсептелет. КМШга мүчө мамлекеттерге экспорттоо 1 миллиард 126 миллион 100 миң долларды түзүп, 48,9 пайыз өсүштү көргөздү. Импорт 2012-жылы 32,7 пайызга өсүп, 2 миллиард 889 миллион 500 миң долларды түзгөн”,- деди министр.

Экономика министрлигинин алдын ала болжолдуу маалыматында 2013-2015-жылдары Кыргызстандын КМШ өлкөлөрү менен соода жүгүртүү 13 пайызга өсүп, 5 миллиард 800 миллион долларга жетет деп көрсөтүлгөн.

Автор: Айпери Ганыжан кызы