Twitter колдонуучуларга башка адамдардын сүрөттөрүн же видеолорун уруксаты жок жарыялоого тыюу салды

Twitter социалдык тармагы колдонуучуларга башка адамдардын сүрөттөрүн же видеолорун уруксаты жок жарыялоого тыюу салды. Бул тууралуу чет элдик басылмалар жазып чыгышты.

Билдирүүгө ылайык, аталган социалдык тармак сүрөттөрдөгүлөрдүн өтүнүчү боюнча билдирүүлөрдү өчүрөт.

Жаңы эрежелердин жардамы менен Twitter сайттагы купуялуулуктун бузулушун токтотуп, колдонуучуларды чабуулдардан коргогусу келет.

Коомдук жана саясий ишмерлер тууралуу ЖМКларга, коомдук иш-чаралардагы фото же видеолорго жана “коомдук кызыкчылыкты коргогон, көйгөйлөрдү талкуулоого кызмат кылган” твиттерге жайылтылбайт.

Твиттер башка бирөөнүн сүрөттөрү бар постторду алар боюнча даттануулардан кийин өчүрөт. Өчүрүүгө каршы чыгуу үчүн сизге фото же видеодогу адам менен жарыялоо келишими керек.
Социалдык тармак буга чейин мындай чараларды жеке маалыматтарды иштетүүдө катуу эрежелери бар өлкөлөрдө колдонгон. Мисалы, Австралияда, Улуу Британияда, Жаңы Зеландияда жана Евробиримдикте кол салуулардын курмандыктарынын сүрөттөрү бар посттор өчүрүлгөн деп айтылат маалыматтарда.

Басылма маектешкен эксперттер бардык колдонуучулар үчүн жаңы эрежелер чындыгында аларды ишке ашыруу кыйынга тургандай жазылганын айтышты.