Алып баруучу Иван Урганттын чоң энеси, орусиялык актриса Нина Ургант каза болду

Белгилүү орусиялык театр жана кино актрисасы Нина Ургант каза болду. Бул тууралуу орусиялык басылмалар жазып чыгышты.

Маалыматка ылайык, Орусиянын Эл артисти Нина Ургант 93 жашында Санкт-Петербургдагы үйүндө жан берген.

Нина Ургант 1929-жылы 4-сентябрда Ленинград облусундагы Луга шаарында төрөлгөн. 1954-жылдан тарта Ленинград театрында иштеп баштаган. Кинодогу биринчи чоң ролду 1964-жылы Игорь Таланкиндин "Киришүү" деген тасмасында алган.

Ал "Беларустук автобекет", "Сыйкырдуу күч", "Мен балалыктан келгем", "Келишимдүү мырза", "Уулдар майданга кетет", "Сыйлык", "Жолборстордун үйрөтүүчүсү" деген тасмаларга тартылган. Акыркы жолу 2008-жылы "Азиат" аттуу тасмага тартылган. Ошондон бери тасма талаасына чыккан эмес.

Нина Ургант актёр Андрей Урганттын апасы жана телеалпаруучу Иван Урганттын чоң энеси болчу.

Автор: Сезим Жумагулова