Мексикада жүк ташуучу унаа менен болгон жол кырсыгынан 53 адам каза болду

Мексиканын түштүк-чыгышында мигранттар менен бара жаткан жүк ташуучу унаа кырсыкка учурап, кеминде 53 киши каза болуп, 58 киши жаракат алды. Бул тууралуу чет элдик басылмалар жазышты.

Маалыматка ылайык, Гватемаладан келе жаткан чиркегичи бар жүк ташуучу унаа дубалды сүзүп, оодарылып кеткен. Катуу соккудан улам кээ бир жүргүнчүлөр унаанын чиркегичинен кулап түшүшкөн.

Каза болгон жүргүнчүлөрдүн көбү Гватемала өлкөсүнөн экени белгилүү болгон.

Кырсык катталган штаттын губернатору каза болгондордун жакындарына көңүл айтып, жабыркагандарга өз убагында жардам жана колдоо көрсөтүүнү тапшырган.

Автор: Азат Бейшенбеков