Москвада Чыңгыз Айтматовду эскерүү кечеси болуп өттү

Москва шаарындагы "Кыргызстан" борборунда жазуучу Чыңгыз Айтматовду эскерүү кечеси болуп өттү. Бул тууралуу аталган борбордун басма сөз кызматы билдирди. Иш-чарага орусиялык жазуучулар, Айтматовдун замандаштары, кыргыз диаспорасынын өкүлдөрү катышты.

"Улуу философ жазуучубуз түбөлүккө жүрөгүбүздө кала берет. Чыңгыз Төрөкулович өзүнүн чыгармалары менен калтырган баалуулукту унутпайбыз. Жыл сайын кыргызстандыктар мындай иш-чараны өткөрүп турушмакчы",- деди Жалпы орусиялык кыргыз конгрессинин президенти Кубанычбек Кожоев.

Кыргыз конгрессинин маданият боюнча комитети, "Эрте келген турналар" жана "Москва кайрыктары" чыгармачыл топтору конокторго концерттик программа тартуулашты.

Автор: Айпери Ганыжан кызы