Кыргызстанда 2020-жылы бала бакчалардагы орундардын санын 2 эсеге көбөйтүү пландалууда

Бишкекте бүгүн, 18-ноябрдагы маалымат жыйында билим берүү жана илим министри Канат Садыков “Кыргызстанда 2020-жылга карата бала бакчалардагы орундардын санын 2 эсеге көбөйтүү пландалууда”,- деп билдирди. Анын айтымында, 2010-жылы мектеп окуучуларынын 10 пайызга жетпеген бөлүгү бала бакчага барганы белгилүү болгон. “Азыркы тапта бул көрсөткүч 15,4 пайызды түзүүдө. Албетте, бул аз. 2020-жылы муну 34-35 пайызга жеткирүүнү пландап жатабыз”,- деди министр.

2012-2013-жылдары 240 сааттык мектепке чейинки даярдоо боюнча программадан балдардын дээрлик 100 пайызы өткөнүн кошумчалап, жакында 480 сааттык программаны кабыл алуу каралып жатканын айтты Канат Садыков.

Автор: Айпери Ганыжан кызы