Алмазбек Атамбаев каржы министри Ольга Лаврованы кабыл алды

Кыргыз Республикасынын Президенти Алмазбек Атамбаев бүгүн, 18-ноябрда өлкөнүн каржы министри Ольга Лаврованы кабыл алды. Бул тууралуу президенттин басма сөз кызматы билдирди.

Жолугушуунун жүрүшүндө үстүбүздөгү жылдын республикалык казынасынын планын аткаруу маселелери жана каржылык документтин 2014-жылга долбоору талкууланды. Президент Каржы министрлиги казынаны натыйжалуу аткаруу үчүн бардык күч-аракетин жумшап, казынанын социалдык жактан корголгон беренелерин так аткаруу чараларын көрүш керек экенин белгиледи.

Автор: Айпери Ганыжан кызы