Грециянын экс-президенти каза болду

Грециянын экс-президенти Каролос Папульяс каза болду. Бул тууралуу чет элдик басылмалар жазып чыгышты.

Маалыматка ылайык, ал 92 жашында дүйнөдөн кайтты. Ал 2005-2015-жылдары эки беш жылдык мөөнөткө Грециянын президенти болуп иштеген.

Грециянын азыркы президенти Катерина Сакеллуропулу Каролос Папулиасты патриот деп атады. Ал Грециянын президенти катары Папульяс коомдук биримдикти жана улуттук биримдикти коргогондугун айтты.

Каролос Папульяс 1929-жылы 4-июнда Эпирдеги Моливдоскепастос кыштагында генерал-майор Григорис Папульястын үй-бүлөсүндө туулган.

Автор: Жылдыз Джускембаева