"Эми терисин тирүүлөй сыйрыйт". Түркияда кыз ага кислота чачкан адамга турмушка чыкты

Түркияда 20 жаштагы кыз бетине күкүрт кислотасын чачып, жүзүн бузган жигитке турмушка чыкты. Бул тууралуу чет элдик басылмалар жазышты.

Маалыматка ылайык, 20 жаштагы Берфин Озек 2019-жылы Түркиянын түштүк-чыгышындагы Искендерун шаарында болгон тымызын чабуулдун курмандыгы болгон. Кислота ажарлуу студенттин жүзүн бузган. Ошондон кийин анын бир көзү сокур болуп калган.

Ага кислота чачкан адам кыз сүйлөшүп жүрүп таштап кеткен мурдагы жигити болгон. Бул үчүн ал мыкаачылык менен андан өч алган. "Эгер мен сени ала албасам, сени эч ким албайт" деген жигит кислота чачардан мурун.

Андан кийин жигити камакка алынып, сот кылмышкерди 13 жарым жылга эркинен ажыраткан. Бирок жигиттин жолу болуп, мыйзамдагы өзгөртүүлөр жана коронавирустук пандемияга каршы күрөшүү чаралары аны шарттуу түрдө бошотууга алып келген.

Жигит темир тор артында отурганда кислота чачкан кызынан кат аркылуу кечирим сурап, сүйүүсүн билдирген. Андан кийин, эркиндикке чыккандан кийин дароо анын колун сураган.

Жыйынтыгында кыз аны кордогон адамды кечирип эле койбостон, ага турмушка чыккан. Кыздын үй-бүлөсү бул чечимге таң калышкан.

"Ал бизге билгизбей эле үйлөнүп алды, мен ал үчүн көп жылдар күрөшкөм, бирок баары текке кетти", - деген кыздын атасы.

Социалдык тармактарда жаңы үйлөнгөн жубайлар катуу сынга кабылды. "Дүйнөдөгү эң келесоо эркек ким деп сурашса, мен бул аялдын атын айтып жооп берем. Кийинки жолу бул киши анын терисин тирүүлөй сыйрып алат", - деп жазган колдонуучулардын бири.

Автор: Азат Бейшенбеков

10:09 27-12-2021

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 305 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2877 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 738 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1662 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1104 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1616 0

Архив

Комментарийлер (8)

Dembele84

2021-12-27 11:10:51

Копко жашай албайт го

Tursunbaev1978

2021-12-27 14:44:12

Dembele84,неге?азыр медицина өнүккөн,көзү ордуна келбесе да,жүзүн пластикалык операция жасатса болот

Sajakat14

2021-12-27 17:01:46

Tursunbaev1978, пластикалык операция бир эле жолу эмес көп жолу керек. Ушундай жек көрүү менен кислота чачкан эркек жини келсе мындан да жаман нерселерди жасайт!Тигил кыздын мээси ордунда эмес! Араб, курд, түрктөрдө кыздарга кислота чачкан эркектери көп. Буларда мындай иш өч алуунун куралы. Ушунчалык дагы зөөкүр, кыйтыр болобу? Кудай сакта! Өз баштары менен кетсин! Итиркейди келтирет ушундайлар!Жер кантип көтөрүп жүрөт ушундайларды! Өзүмчүл, зулумдарды! Эмнеси адам? Эмнеси эркек?

Sajakat14

2021-12-28 00:32:24

Tursunbaev1978,кыздын ордунда болсоңор тигил зөөкүрдү кечирип тиймек белеңер?

Nina.alex

2021-12-27 19:12:57

Кудай сактасын

Marni

2021-12-27 23:58:05

Как можно себя так не любить?! Дай Бог, чтобы он её не убил.

Sajakat14

2021-12-28 00:30:19

Экөө тең зордукту, кордукту сүйгөн мазахисттерден экен да. Психикалык ден соолугу таза адам мындайга барбайт, жол бербейт башкага дагы,өзүнө дагы жана кечирбейт!

Kg-04

2021-12-28 05:47:30

Турктор да аялдарга зомбулук кылуу боюнча кыйын мен коп коргом

Комментарий калтыруу үчүн өз ысымыңыз менен кириңиз же каттоодон өтүңүз.